The news is by your side.

Advertisement

پاکستان کا ترکی اور ایران میں زلزلے سےقیمتی جانوں کے ضیاع پر اظہارافسوس، ہرممکن مددکیلئےتیار

اسلام آباد‌: پاکستان نے ترکی اور ایران میں زلزلےسےقیمتی جانوں کے ضیا ع پر اظہارافسوس کرتے ہوئے کہا ہے کہ برادر اسلامی ملکوں کی ہرممکن مددکیلئےتیارہیں۔

تفصیلات کے مطابق پاکستانی دفتر خارجہ کی ترجمان عائشہ فاروقی نے کہا کہ پاکستان نے ترکی اور ایران میں زلزلےسےقیمتی جانوں کے ضیا ع پر اظہارافسوس کرتے ہوئے سوگوار خاندانوں سے دلی ہمدردی اور زخمیوں کی جلدصحتیابی کیلئے دعا کی۔

ترجمان دفترخارجہ کا کہنا تھا غم کی اس گھڑی میں ترکی اور ایران کے برادرعوام کےشانہ بشانہ کھڑے ہیں، برادر اسلامی ملکوں کی ہرممکن مدد اور معاونت فراہم کرنے کے لئے تیار ہیں۔

مزید پڑھیں : ترکی میں زلزلہ، 8 افراد ہلاک، 5 زخمی

یاد رہے ایران اور ترکی کے بارڈر پر 5.7 کی شدت کا زلزلہ آیا تھا ، زلزلے سے چاربچوں سمیت آٹھ افراد جاں بحق ہوئے، زلزلے کے جھٹکے ترکی،ایران کےسرحدی علاقوں میں محسوس کیے گئے۔

ترک میڈیا کا کہنا تھا کہ زلزلےسےترکی کے 43  دیہات متاثر ہوئے جبکہ تباہ شدہ مکانات کےملبے تلےدبے افراد کو نکالنے کے لیے امدادی سرگرمیاں جاری ہیں، زلزلے سے متاثرہ علاقوں خوف وہراس کی فضا پائی جاتی ہے۔

fb-share-icon0
Tweet 20

Comments

comments

یہ بھی پڑھیں