راولپنڈی: پاکستان نے شاہین تھری بیلسٹک میزائل کا کامیاب تجربہ کرلیا ، یہ بیلسٹک میزائل زمین سے زمین تک مارکرنے کی صلاحیت رکھتا ہے۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اہنے پیغام میں کہا کہ پاکستان نے شاہین تھری بیلسٹک میزائل کا کامیاب تجربہ کرلیا۔
ڈی جی آئی ایس پی آر کا کہنا تھا کہ شاہین تھری بیلسٹک میزائل زمین سے زمین تک مار کرنے کی صلاحیت رکھتا ہے، تجربے کا مقصد ڈیزائن میں کی گئی تبدیلیوں کا جائزہ لینا تھا۔
Pakistan today conducted successful flight test of Shaheen-III surface to surface ballistic missile. The test flight was aimed at revalidating various design and technical parameters of the weapon system. pic.twitter.com/WHmjPGZobZ
— DG ISPR (@OfficialDGISPR) April 9, 2022
یاد رہے گذشتہ سال دسمبر میں پاکستان نے پاکستان کا بابر کروز میزائل ون بی کا کامیاب تجربہ کیا تھا ، ڈی جی ایس پی ڈی نےکامیاب تجربےپر سائنسدانوں ،انجینئرزکو مبارکباد دیتے ہوئے کہا تھا کہ تجربےسے پاکستان کی دفاعی صلاحیت میں مزید بہتری آئےگی۔
اس سے قبل پاکستان نے شاہین ون اے بیلسٹک میزائل کا کامیاب تجربہ کیا تھا ، اس دوران زمین سے زمین تک مار کرنے والے میزائل کا ڈیزائن، ٹیکنیکل امور کا کامیاب مشاہدہ کیا گیا۔
