The news is by your side.

Advertisement

کوروناکے خلاف جنگ میں پاکستان کی بڑی کامیابی

اسلام آباد : پاکستان نے فائزر کورونا ویکسین ذخیرہ کرنے کیلئے جدید ترین الٹراکولڈ چین اسٹوریج سسٹم حاصل کرلیا ، یونیسیف نے الٹرا کولڈ چین فریزر مفت فراہم کئے ہیں۔

تفصیلات کے مطابق کورونا کے خلاف جنگ میں پاکستان نے بڑی کامیابی حاصل کرلی، ذرائع وزارت صحت کا کہنا ہے کہ الٹرا کولڈ چین اسٹوریج فریزر پاکستان پہنچ گئے، یو سی سی فریزربذریعہ بحری جہازکراچی پہنچے۔

ذرائع کا کہنا ہے کہ یونیسیف نے پاکستان کو23 الٹراکولڈ چین فریزر مفت فراہم کئے ہیں ، اےڈی بی نےفریزرکیلئے یونیسیف کو سپورٹ گرانٹ فراہم کی تھی۔

وزارت صحت کے ذرائع کے مطابق یو سی سی فریزرمیں فائزرکوروناویکسین ذخیرہ کی جائےگی، فریزرمیں منفی80سینٹی گریڈپراسٹوریج ہوگی جبکہ پاکستانی کولڈچین سسٹم منفی20گریڈپرویکسین اسٹوریج کاحامل ہے۔

ذرائع کا کہنا ہے کہ جدید ترین ویکسین اسٹوریج کنٹینرز وفاق اور صوبوں میں رکھے جائیں گے۔

خیال رہے فائزرکورونا ویکسین آئندہ 3ماہ کے دوران پاکستان آنے کا امکان ہے ، کوویکس پاکستان کوفائزرویکسین کی لاکھوں خوراکیں فراہم کرے گا، پاکستان کوویکس رکن ہونے پر فائزر کورونا ویکسین لینے کاپابند ہے۔

Comments

یہ بھی پڑھیں