پاکستان کرکٹ ٹیم کے ہیڈ کوچ مائیک ہیسن کا کہنا ہے کہ ہمیں صرف جارحانہ نہیں بلکہ اسمارٹ کرکٹ کھیلنے کی ضرورت ہے۔
ہیڈ کوچ مائیک ہیسن نے لاہور میں میڈیا سے بات کرتے ہوئے کہا کہ ہماری موجودہ رینکنگ کا سب کوعلم ہے، ہمیں اپنی رینکنگ کو بہتر کرنا ہے موجودہ دور کے مطابق کرکٹ کھیلنا ہوگی۔
انہوں نے کہا کہ صرف جارحانہ نہیں ہمیں اسمارٹ کرکٹ کھیلنا ہے، محمد رضوان اور بابر اعظم وائٹ بال کرکٹ کے اچھے پلیئر ہیں۔
پاکستانی ٹیم کے ہیڈ کوچ نے مزید کہا کہ میرا 2 سال کا معاہدہ ہے، اس دوران 2 کرکٹ ورلڈ کپ ہونے ہیں۔
اس سے قبل بھی قومی کرکٹ ٹیم کے نئے ہیڈ کوچ کا اہم بیان سامنے آیا تھا، جس میں اُن کا کہنا تھا کہ کھلاڑیوں کا ٹیم میں انتخاب تجربے یا شہرت کی بنیاد پر نہیں ہوگا۔
نئے ہیڈ کوچ کا کہنا تھا کہ کھلاڑیوں کا ٹیم میں انتخاب ان کے تجربے یا شہرت کی بنیاد پر نہیں ہوگا بلکہ کارکردگی پر منحصر ہوگا۔
ہر ایک کو ٹیم کے پلان کے مطابق کارکردگی کا مظاہرہ کرنا ہوگا۔ میرا مقصد ایک جدید اور کامیابیاں حاصل کرنے والی ٹیم بنانا ہے جو دلچسپ اور بہترین کھیل کا مظاہرہ کرے۔
وسیم اکرم نے پی ایس ایل کے متاثر کُن کھلاڑی کا نام بتا دیا
ہیڈ کوچ نے کہا کہ یہ سنہری موقع ہے، میں اپنا کردار ادا کرنے کیلیے پُرجوش ہوں اور مجھے یقین ہے کہ میں ٹیم کی رہنمائی کر سکتا ہوں۔
ہیسن کا مزید کہنا تھا کہ ہم کامیاب کرکٹ کھیلنا چاہتے ہیں جو شائقین کے دل بھی جیت لے لیکن میں جانتا ہوں کہ یہ آسان نہیں ہے بلکہ ایک بڑا چیلنج ہے۔
