اسلام آباد : سابق اسپیکر قومی اسمبلی اسد قیصر کا کہنا ہے کہ ملک معاشی طور پر ڈیفالت کےقریب ہے ، آئی ایم ایف پروگرام میں جائے بغیرصورتحال نہیں سنبھل سکتی۔
تفصیلات کے مطابق سابق اسپیکر قومی اسمبلی اسد قیصر نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ ملک معاشی طورپرڈیفالت کےقریب ہے، ہرگزرتےدن کےساتھ معیشت بدسےبدترہورہی ہے۔
اسد قیصر کا کہنا تھا کہ عوام کی منتخب کردہ لیڈرشپ زیادہ پاورفل ہوتی ہے، آئی ایم ایف پروگرام میں جائے بغیرصورتحال نہیں سنبھل سکتی، مسئلہ ملک کوموجودہ کرائسز سے نکالنا ہے۔
سابق اسپیکر قومی اسمبلی نے کہا کہ اس ملک کادیوالیہ موجودہ حکومت نےکیاہے، ملک میں مختلف شعبوں میں تنزلی ہوتی جارہی ہے، ہماری ایکسپورٹ کم ہوتی جارہی ہیں۔
انھوں نے بتایا کہ ہمارے دور حکومت میں کوروناکےباوجودمعیشت مستحکم تھی، ہم حالات کامقابلہ کریں گے، الیکشن ہوئےتو ہمارے کارکنان متحرک ہوجائیں۔
شاہد خاقان عباسی کے بیان پر اسد قیصر نے کہا کہ یہ کس قانون کےتحت حکومت کی مدت میں توسیع کریں گے ، قانون میں ایسی کوئی چیزنہیں کہ مدت میں توسیع کی جائے، ملک کاقانون بھی آئین کے پابند ہے،آئین میں ایسا کچھ نہیں ہے۔
ان کا مزید کہنا تھا کہ یہ صورتحال جب ہوتی ہےکہ تب جنگ ڈکلیئرہوجائے، ہمارےپاس قانون راستےموجودہیں، ہم چاہتےہیں سب کچھ آئین وقانون کےمطابق ہو۔
