کراچی: پاکستان کے غیرملکی زرمبادلہ کے ذخائر 22 جنوری 2016 کو اختتام پذیر ہونے والے معاشی ہفتے کے اختتام پر 20,502.1 ملین امریکی ڈالرکی سطح پر پہنچ گئے۔
اسٹیٹ بینک کی جانب سے جاری کردہ ہفتہ وار معاشی اعداد و شمار کے مطابق پاکستان کے زرمبادلہ کے ذخائر کچھ اس طرح ہیں۔
مرکزی بینک کے پاس موجود ذخائر کی مالیت 15,646.8 ملین امریکی ڈالر ہے جبکہ دیگر بنکوں کے پاس موجود ذخائر 4,855.3 ملین امریکی ڈالرہے۔
- Advertisement -
اسٹیٹ بینک کی جانب سے جاری کردہ معاشی اعداد وشمار کے مطابق پاکستان کے غیرملکی زرمبادلہ کے ذخائر میں 22 جنوری 2016 کو معاشی ہفتے کے اختتام پر مذکورہ ذخائر میں 105 ملین ڈالر کی کمی ہوئی ہے۔
اسٹیٹ بینک کا کہنا ہے کہ زرمبادلہ کے ذخائر میں کمی کا سبب رواں ہفتے 109 ملین امریکی ڈالرکے بیرونی قرضوں کی ادائیگی ہے۔
