ڈیزل کی قیمت میں اضافہ، پاکستان ریلوے کا کرایے بڑھانے پر غور

لاہور: پاکستان ریلوے نے ڈیزل کی قیمت میں اضافے کے بعد کرایے بڑھانے پر غورشروع کردیا ، کرایوں میں 5 فیصد اضافہ متوقع ہے۔

تفصیلات کے مطابق ڈیزل کی قیمت میں اضافے کے بعد پاکستان ریلوے بھی کرایے بڑھانے پر غور کررہی ہے، ذرائع نے کہا ہے کہ تمام مال گاڑیوں کے کرایوں میں 5 فیصد اضافہ متوقع ہے۔

ریلوے ذرائع کا کہنا تھا کہ پسنجرٹرینوں میں عام مسافروں پر کم سے کم بوجھ ڈالا جائے گا، ڈیزل کی قیمت میں اضافے سے آپریشنل کاسٹ بڑھ جاتی ہے، آپریشنل کاسٹ پوری کرنے کیلئے کرایوں میں اضافہ ناگزیر ہوجاتا ہے۔

ذرائع کے مطابق اکانومی کلاس پردوسری کلاسزکی نسبت کم بوجھ پڑے گا۔

یاد رہے حکومت نے پیٹرولیم مصنوعات کی قیمتوں کا اعلان کرتے ہوئے پیٹرول کی قیمت میں 26 روپے 2 پیسے فی لیٹرجبکہ ہائی سپیڈ ڈیزل کی قیمت میں 17 روپے 34 پیسے فی لیٹر اضافہ کیا تھا۔

Comments