اسلام آباد :گرین ویژن میں ہم آہنگی سے پاکستانی حکام کا امریکی حکام سے رابطہ بحال ہونا شروع ہوگیا، پاکستانی حکام کا کہنا ہے کہ پاکستان موسمیاتی تبدیلی پر امریکا کیساتھ ملکر کام کرنے کو تیار ہے۔
تفصیلات کے مطابق موسمیاتی تبدیلی کے خطرات سے نمٹنے کے لئے پاک امریکا رابطوں میں تیزی آگئی اور بلین ٹری سونامی منصوبہ امریکاکو بھی پاکستان کے قریب لے آیا۔
گرین ویژن میں ہم آہنگی سے پاکستانی حکام کا امریکی حکام سے رابطہ بحال ہونا شروع ہوگیا ، سینیٹرجان کیری نے لندن سے امریکا واپس پہنچتے ہی پاکستانی حکام سے ٹوئٹر پر رابطہ کیا۔
سینیٹرجان کیری نے اپنے ٹوئٹ میں معاون خصوصی ملک امین اسلم سےبات چیت کواہم قرار دے دیا ، ملک امین اسلم نے جواب میں کہا کہ گرین لیڈرشپ کے تحت تعلقات آگے بڑھنے چاہئیں، پاکستان موسمیاتی تبدیلی پر امریکا کیساتھ ملکر کام کرنے کو تیار ہے۔
Had an important discussion today with my colleague @aminattock with less than 100 days until @COP26. https://t.co/OF60WK3ppT
— Special Presidential Envoy John Kerry (@ClimateEnvoy) July 26, 2021
معاون خصوصی کا کہنا تھا کہ وزیراعظم ،امریکی صدر کی گرین سوچ کےتحت ملکر کام ہوگا۔
یاد رہے پاکستان اور امریکا کے درمیان موسمیاتی تبدیلی پر جوائنٹ ورکنگ بنانے پر اتفاق ہوچکا ہے، امریکی صدرکےخصوصی ایلچی نے لندن میں ملک امین سےملاقات کی تھی۔
ملاقات میں امریکی صدر کے ایلچی جان کیری نے 10 بلین ٹری منصوبے کی تعریف کرتے ہوئے منصوبے کو دنیا بھر کے لیے بہترین قرار دیا، انہوں نے عمران خان کے کوئلہ پاو پلانٹ قائم نہ کرنے کے اعلان کا بھی خیرمقدم کیا۔
جان کیری نے کہا تھا کہ پاکستان کے ساتھ ماحولیاتی تبدیلی کے حوالے سے مل کر کام کرنے کو تیار ہیں، عالمی ماحولیاتی خطرات سے نمٹنے میں وزیراعظم کی گرین سوچ قابل ستائش ہے۔
