اسلام آباد: پاکستان نے بھارتی وزیر خارجہ کے بیان کو بے بنیاد قرار دیتے ہوئے مسترد کر دیا۔
ترجمان دفتر خارجہ کے مطابق بھارتی وزیر خارجہ کے وڈودرا میں دیا گیا بیان انتہائی غیر ذمہ دارانہ ہے، اسے مسترد کیا جاتا ہے۔
ترجمان نے کہا بھارت نے ’’بین الاقوامی دہشت گردی‘‘ میں پاکستان کے نام نہاد ملوث ہونے پر اصرار کیا، یہ ریمارکس عالمی برادری کو گمراہ کرنے کے لیے ہے، اور حقائق کو گھڑنے کے ہندوستانی لیڈروں کے جنون کا ایک اور مظہر ہیں۔
ترجمان دفتر خارجہ نے کہا مقبوضہ جموں و کشمیر میں ریاستی دہشت گردی جاری ہے، 9 لاکھ بھارتی فوج کشمیریوں پر تشدد جاری رکھے ہوئے ہیں۔
ترجمان نے کہا کہ دنیا بھارت کی زعفرانی دہشت گردی سے واقف ہے۔
Comments
- Advertisement -
