ورلڈ کپ میں قومی ٹیم کی ناقص کارکردگی پر مشاورت شروع کردی گئی ہے۔
اے آر وائی نیوز کے مطابق ذرائع کا بتانا ہے کہ ورلڈ کپ میں قومی ٹیم کی ناقص کارکردگی پر ٹیم مینجمنٹ کا پوسٹ مارٹم کرنے پر اتفاق کرلیا گیا ہے۔
پی سی بی کو ٹیم ڈائریکٹر، ہیڈ کوچ، ٹیم منیجر اور کپتان کی رپورٹ کا انتظار ہے۔
ذرائع کا بتانا ہے کہ چیئرمین پی سی بی مینجمنٹ کمیٹی ذکا اشرف اسکواڈ کو تمام سہولیات کے باوجود ناقص کارکردگی سے سخت نالاں ہیں۔
بولنگ کوچ مورنی مورکل کے استعفیٰ کے بعد دیگر کوچز کے فیصلے کا بھی انتظار ہے جبکہ ٹیم سے متعلق حتمی فیصلے سابق کرکٹرز کی مشاورت سے کیے جائیں گے۔
واضح رہے کہ پاکستانی ٹیم ورلڈ کپ میں صرف چار میچ جیت سکی، قومی ٹیم نے بنگلہ دیش، سری لنکا، نیدرلینڈز، نیوزی لینڈ کو ہرایا، بھارت، آسٹریلیا، جنوبی افریقہ، افغانستان، انگلینڈ کیخلاف ٹیم ناکام رہی۔