اسلام آباد : مشیر تجارت عبدالرزاق داؤد کا کہنا ہے کہ دس جون سے چین کو سندھڑی آم کی برآمد شروع ہو جائے گی ، پاکستانی ایکسپورٹرزچین کی وسیع مارکیٹ سے زیادہ سے زیادہ فائدہ اٹھائیں۔
تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹوئٹر پر اپنے پیغام میں کہا کہ اب سندھڑی آم چائنہ ایکسپورٹ ہوں گے، سندھڑی آم پاکستان سےچائنہ 10جون سے ایکسپورٹ کئے جائیں گے، ہمارےاعلیٰ معیار کےآموں کیلئےچائنہ ایک اہم مارکیٹ ہے ، ایکسپورٹرز چائنہ میں وسیع مواقعوں کا زیادہ سے زیادہ فائدہ اٹھائیں۔
MoC is pleased to inform that the start of Pakistan’s Sindhri mangoes will be exported from Pakistan to China from 10 June 2021 by air. For our quality mangoes, China is a developing market. I encourage our fruit exporters to take maximum advantage of vast opportunities in China.
— Abdul Razak Dawood (@razak_dawood) May 31, 2021
یاد رہے چند روز قبل آل پاکستان فروٹ اینڈ ویجیٹبل ایکسپورٹرز ایسوسی ایشن نے رواں سیزن کے لیے آم کی ایکسپورٹ کے ہدف کا اعلان کرتے ہوئے کہا تھا کہ رواں سیزن آم کی ایکسپورٹ کے لیے ڈیڑھ لاکھ ٹن کا ہدف مقرر کیا گیا ہے، جو پورا ہونے سے پاکستان کو 12 کروڑ 75 لاکھ ڈالر کا زرمبادلہ حاصل ہوگا۔
گذشتہ سال ہدف کرونا کی وباء کے معاشی اثرات اور لاجسٹکس چیلنجز کو مدنظر رکھتے ہوئے 80 ہزار ٹن رکھا گیا تھا تاہم ایکسپورٹ ایک لاکھ 40 ہزار ٹن رہی جس س12 کروڑ ڈالر کا زرمبادلہ حاصل ہوا۔
وحید احمد نے کہا کہ پاکستان کی ام کی 100 ارب روپے کی صنعت کو موسمیاتی تبدیلیوں کے اثرات اور پانی کی قلت کے مسائل کا سنا ہے دوسری جانب ایئرلائنز کی جانب سے پروازیں محدود کیے جانے، پروازوں پر پابندی اور فضائی راستے سے ایکسپورٹ پر بھاری فریٹ کی وجہ سے ایکسپورٹ کی لاگت بڑھ رہی ہے۔
خیال رہے پاکستان سے 55 فیصد آم سمندری راستے سے ایکسپورت کیا جاتا ہے جبکہ 25 فیصد زمینی راستے اور 20 فیصد فضائی راستے سے ایکسپورٹ کیا جاتا ہے۔