The news is by your side.

Advertisement

اسحاق ڈار کی پاکستان حوالگی کے ایم او یو پر دستخط ہوگئے

اسلام آباد : وزیراعظم کےمشیربرائےاحتساب شہزاد اکبر نے کہا اسحاق ڈار کی پاکستان حوالگی کےایم او یو پر دستخط ہو گئے،دستاویز پربرطانوی وزیر داخلہ کے فوکل پرسن نے دستخط کیے ، اس اہم پیش رفت سے وزیراعظم عمران خان کوبھی آگاہ کر دیا گیا ہے۔

تفصیلات کے مطابق سابق وزیر خزانہ سینیٹر اسحق ڈار کی پاکستان حوالگی کے حوالے سے اہم پیش رفت سامنے آئی ، خصوصی معاون برائے وزیر اعظم مرزا شہزاد اکبر نے سماجی رابطے کی ویب سائٹ ٹوئٹر پر اپنے بیان میں کہا پاکستان اور برطانیہ کے درمیان باہمی مفاداشت کی یاداشت پر دستخط ہوگئے۔

مرزا شہزاد اکبر کا کہنا تھا سابق وزیر خزانہ اسحاق ڈار کی پاکستان حوالگی کے ایم او یو پر دستخط ہو گئے، دستاویز پر برطانوی وزیر داخلہ کے فوکل پرسن گرائم بگر نے دستخط کئے۔

شہزاد اکبر نے برطانوی وزیر داخلہ ساجد جاوید سے بھی اسحاق ڈار کی حوالگی سے متعلق ملاقات کی۔

اس اہم پیش رفت سے وزیراعظم عمران خان کوبھی آگاہ کر دیا گیا۔

واضح رہے کہ سابق وزیر خزانہ پاکستان اسحاق ڈار کے خلاف نیب کورٹ میں آمدن سے زائد اثاثوں کا ریفرنس زیر سماعت ہے، اسحاق ڈار 3 مارچ کو سینیٹ انتخابات سے قبل طبیعت کی خرابی کے باعث لندن چلے گئے تھے، جس کے بعد تاحال اسحاق ڈار لندن میں ہی مقیم ہے۔

مزید پڑھیں : انٹرپول نے اسحاق ڈار کے ریڈوارنٹ کے لیے مزید دستاویزات مانگ لیں

قومی احتساب بیورو (نیب) نے اثاثہ جات ریفرنس میں اشتہاری اور مفرور ملزم و سابق وفاقی وزیر خزانہ اسحاق ڈار کو بلیک لسٹ کرتے ہوئے ان کا پاسپورٹ بھی بلاک کردیا تھا جبکہ انٹرپول کے ذریعے لندن سے گرفتار کرکے وطن واپس لانے کے لیے ریڈ وارنٹ بھی جاری کیے ہوئے ہیں۔

Comments

comments

یہ بھی پڑھیں