پاکستان سپر لیگ (پی ایس ایل) کے 10ویں ایڈیشن کے بعد اب پاک بنگلادیش سیریز بھی ڈی آر ایس کے بغیر کرانے کا فیصلہ کیا گیا ہے۔

پی سی بی ذرائع کی جانب سے بھی اس بات کی تصدیق کردی گئی ہے کہ 3 میچز پر مشتمل پاک بنگلادیش سیریز میں بھی ڈی آر ایس ٹیکنالوجی استعمال نہیں کی جائے گی۔

پاکستان کرکٹ بورڈ (پی سی بی) کی جانب سے مہمان ٹیم کو بھی اس بارے میں آگاہ کردیا گیا ہے۔

رپورٹس کے مطابق دونوں ٹیموں کے درمیان سیریز کی ٹرافی کی رونمائی آج ہوگی جبکہ دونوں ٹیموں کے کپتان بھی آج پریس کانفرنس میں حصہ لیں گے۔

پاکستان اور بنگلادیش کے درمیان ٹی20 میچز قذافی اسٹیدیم لاہور میں 28، 30 مئی اور یکم جون کو شیڈول ہیں۔

واضح رہے کہ گزشتہ برس انگلش کپتان بین اسٹوکس نے ڈی آر ایس ٹیکنالوجی پر سوال بھی اُٹھایا تھا۔

بھارت اور انگلینڈ کے درمیان دوسرے ٹیسٹ میں زیک کرولی کا ایل بی ڈبلیو بین اسٹوکس نے غلط قرار دیا تھا، کلدیپ یادیو کی گیند پر امپائر نے زیک کرولی کو ناٹ آؤٹ دیا مگر بھارت نے ریویو لیا تو ٹیکنالوجی پر آؤٹ قرار پائے۔

بین اسٹوکس نے کہا کہ سب کہتے ہیں کہ ٹیکنالوجی سو فیصد درست نہیں ہے، میرے خیال میں زیک کرولی کو ٹیکنالوجی نے غلط آؤٹ قرار دیا ہے۔

بھارت پر ٹیکنالوجی سے چھیڑ چھاڑ کے الزامات ماضی میں بھی لگتے رہے ہیں۔

ہیڈ کوچ مائیک ہیسن نے قومی ٹیم سے متعلق اپنا پلان بتادیا

2011 کے ورلڈ کپ میں سعید اجمل کی گیند پر ٹنڈولکر کے فیصلے سے بھی خوب واویلا ہوا تھا۔ شائقین کرکٹ کہتے ہیں کہ ٹیکنالوجی کے ذریعے ٹنڈولکر کے آؤٹ کو ناٹ آؤٹ میں بدلا گیا تھا۔