اسلام آباد: وزیر اعظم عمران خان نے اقوام متحدہ کی سلامتی کونسل کے اجلاس کو خوش آیند قرار دے دیا۔
تفصیلات کے مطابق وزیر اعظم عمران خان نے آج ایک ٹویٹ میں کہا کہ پاکستان اقوام متحدہ کی سلامتی کونسل کے اجلاس کو خوش آیند قرار دیتا ہے۔
وزیر اعظم نے لکھا کہ ہم سیکورٹی کونسل کی جانب سے ایک بار پھر مقبوضہ کشمیر کی صورت حال پر غور کا خیر مقدم کرتے ہیں، مقبوضہ جموں و کشمیر عالمی طور پر تسلیم شدہ متنازع معاملہ ہے، اور یہ سلامتی کونسل کے ایجنڈے پر موجود ہے۔
Pakistan welcomes UN Security Council discussing the situation in Jammu & Kashmir again. An internationally recognized dispute, J&K remains on the Security Council’s agenda & its consideration by the Council reflects a recognition of the seriousness of the prevailing situation.
— Imran Khan (@ImranKhanPTI) January 16, 2020
انھوں نے لکھا ’اقوام متحدہ کی سلامتی کونسل کی متعلقہ قراردادوں اور کشمیری عوام کی امنگوں کی روشنی میں مسئلہ کشمیر کے حل کی تدبیر وقت کا اہم تقاضا ہے۔‘
وزیر خارجہ کی یو این سیکریٹری جنرل سے ملاقات، مشرق وسطیٰ کی صورت حال پر تبادلہ خیال
ان کا کہنا تھا کہ سیکورٹی کونسل کا مقبوضہ کشمیر پر غور وادی میں درپیش سنگین صورت حال کا اعتراف ہے، انھوں نے مطالبہ کیا کہ کشمیر کا مسئلہ کشمیری عوام کی خواہشات کے مطابق حل ہونا چاہیے۔
وزیر اعظم عمران خان نے ایک بار پھر واضح کیا کہ پاکستان حق خود ارادیت ملنے تک کشمیریوں کی اخلاقی، سیاسی اور سفارتی حمایت جاری رکھے گا، اس سلسلے میں پاکستان اقوام متحدہ کی سلامتی کونسل کے اجلاس کو خوش آیند قرار دیتا ہے۔
خیال رہے کہ وزیر خارجہ شاہ محمود قریشی نے آج نیویارک میں یو این سیکریٹری جنرل انتونیو گوتریس اور یو این صدر سے ملاقاتیں کیں، جن میں مشرق وسطیٰ اور مقبوضہ کشمیر میں انسانی حقوق کی پامالیوں پر تبادلہ خیال کیا گیا۔ ان کا کہنا تھا سلامتی کونسل میں پانچ ماہ کے دوران دوسری بار مسئلہ کشمیر پر بات ہوئی ہے، مقبوضہ کشمیر کے حالات پر تین اجلاس منعقد کرنے پر ہم شکریہ ادا کرتے ہیں۔
