غیر قانونی طریقے سے مملکت آنے والے پاکستانی مسافر کو طائف انٹرنیشنل ایئرپورٹ کے پاسپورٹ حکام نے گرفتار کرلیا۔
غیر ملکی ذرائع ابلاغ کے مطابق پاکستانی مسافر نے فنگر پرنٹس کے ریکارڈ میں گڑبڑ کرکے غیر قانونی طریقے سے سعودیہ میں داخل ہونے کی کوشش کی تھی۔
پاکستانی مسافر کے حوالے سے پاسپورٹ حکام نے ضروری قانونی کارروائی مکمل کرلی ہے جس کے بعد اسے ملک بدر کردیا جائے گا۔
واضح رہے کہ مملکت میں امیگریشن کارروائی مکمل طورپر ڈیجیٹل سسٹم کے ذریعے کی جاتی ہے۔ جعل سازی کا فنگر پرنٹ سسٹم کے ذریعے مکمل سد باب کردیا گیا۔
ایسے افراد جنہیں بلیک لسٹ کیا گیا ہوتا ہے انکا ڈیٹا امیگریشن سسٹم میں موجود ہوتا ہے جیسے ہی بلیک لسٹ ہونے والا کوئی بھی شخص مملکت کا رخ کرتا ہے، سسٹم میں اس کے فنگرپرنٹ کی شناخت کرلی جاتی ہے۔
ایران نے امریکی آئل ٹینکر کو یرغمال بنانے کی تصدیق کردی
وہ تارکین جنہیں مملکت سے ماضی میں ڈی پورٹ کیا گیا ہوتا ہے انہیں سعودی عرب کیلیے بلیک لسٹ کردیا جاتا ہے جس کے بعد وہ کبھی مملکت میں داخل نہیں ہوسکتے۔
