وینا: پاکستان کی کم عمر اسکیٹر نے چوبیسویں انٹرنیشنل اسکپ جیت کر ٹائٹل اپنے نام کرلیا۔
تفصیلات کے مطابق 5 سالہ پاکستانی ایتھلیٹ ملاک ظفر نے آسٹریا میں ہونے والے 24ویں انٹرنیشنل اسکپ میں حصہ لیا اور بیکس نوائس گرلز 2 کی کیٹگری میں ایوارڈ اپنے نام کیا۔
بین الاقوامی ایونٹ میں 200 سے زائد ممالک نے شرکت کی جن میں آسٹریا، جرمنی، اٹلی، سوئٹزر لینڈ سمیت دیگر شامل تھے۔ ملاک فیصل ظفر نے عمدہ اسکیٹنگ کا مظاہرہ کر کے اپنی تمام حریف کھلاڑیوں کو شکست دی۔
یاد رہے کہ پاکستان میں فگر اسکیٹنگ کو اہمیت حاصل نہیں اور نہ ہی سرکاری سطح پر اس حوالے سے اقدامات کیے جاتے ہیں۔
ملاک فیصل ظفر نے ایوارڈ جیتنے کے بعد خواہش کا اظہار کیا کہ وہ اولمپکس مقابلے میں بھی پاکستان کی نمائندگی کرتے ہوئے ایوارڈ جیتنا چاہتی ہیں۔
سماجی رابطے کی ویب سائٹ ٹویٹر پر ملاک فیصل ظفر کو صارفین نے مبارک باد پیش کی اور اُن کے لیے نیک خواہشات کا اظہار بھی کیا۔
Mallak Faisal Zafar 🇵🇰 won first place at 24th International Eiscup Innsbruck 2019 in Austria. Stunning #FigureSkating performance by first Pakistani figure skater. Wishing Mallak all the best as she aims to raise the green and white flag high in #WinterOlympics ❄️⛸️#WinterSports pic.twitter.com/XkMclKmfCk
— Sana Jamal (@Sana_Jamal) November 26, 2019
