ریاض : سعودی شہری نے 42 سال تک سونے کا کام کرنے والے پاکستانی ملازم کو 2 لاکھ ریال مالیت کا سونا تحفے میں دے دیا۔
مشہور کہاوت ہے کہ محنت میں عظمت ہے اور جو محنت کرتا ہے اسے اس کا پھل ضرور ملتا ہے، ایسا ہی پھل سعودی عرب میں ملازمت کی غرض سے مقیم پاکستانی بزرگ کو اس کے مالک نے 42 سال تک ایمانداری سے ملازمت پر بیش قیمتی تحفے سے نواز دیا۔
سوشل میڈیا پر ایک کلپ وائرل ہوئی جس میں دیکھا جاسکتا ہے کہ ایک پاکستانی شہری کو سعودی کمپنی الفنار کے مالک عبدالسلام المطلق نے ایک تحفہ دیا ہے جس پر 42 لکھا ہوا ہے۔
عرب میڈیا کے مطابق تحفے میں دیے جانے والے سونے کے بسکٹ کی قیمت دو لاکھ ریال کے لگ بھگ ہے جبکہ باکس پر تحریر 42 کا ہندسہ اس طرف اشارہ کررہا ہے کہ مذکورہ شخص کو ملازمت کرتے ہوئے 42 سال گزر چکے ہیں۔
المهندس عبد السلام المطلق رئيس مجلس ادارة شركة الفنار
@alfanar_companyيهدي أحد الموظفين بالشركة (باكستاني الجنسية) سبيكة ذهب بقيمة ,200,000 ألف ريال بعد 42 سنة خدمة في الشركة.
…
صوره من صور الوفاء pic.twitter.com/Vr3mdRNL0q— السعودية اليوم (@alsaudi_today) March 3, 2020
ویڈیو میں دیکھا جاسکتا ہے کہ بزرگ پاکستانی نے جب سونے کا بسکٹ پیکٹ سے نکالا تو کمپنی کے مالک عبدالسلام المطلق نے ان کے برابر میں کھڑے ہوکر کہا کہ ‘گولڈ کا یہ تحفہ گولڈ مین کے لیے ہے’۔
کمپنی کے مالک المطلق نے یہ جملہ انگریزی میں کہا جسے سوشل میڈیا پر بے حد سراہا جا رہا ہے۔
