کراچی: پاکستان کے غیرملکی زرمبادلہ کے ذخائر 01اپریل 2016 کو اختتام پذیر ہونے والے معاشی ہفتے کے اختتام پر 20,884.9 ملین امریکی ڈالرکی سطح پر پہنچ گئے۔
اسٹیٹ بینک کی جانب سے جاری کردہ ہفتہ وار معاشی اعداد و شمار کے مطابق پاکستان کے زرمبادلہ کے ذخائر کچھ اس طرح ہیں۔
مرکزی بینک کے پاس موجود ذخائر کی مالیت 16,078.1 ملین امریکی ڈالر ہے جبکہ دیگر بینکوں کے پاس موجود ذخائر 4,806.8 ملین امریکی ڈالرہے۔
اسٹیٹ بینک کی جانب سے جاری کردہ معاشی اعداد وشمار کے مطابق پاکستان کے غیرملکی زرمبادلہ کے ذخائر 05 فروری 2016 کو معاشی ہفتے کے اختتام پر مذکورہ ذخائر میں 490 ملین ڈالر کا اضافہ ہوا ہے۔
گذشتہ ہفتےپاکستان کو آئی ایم ایف سے پچاس کروڑ تیس لاکھ ڈالرکی قسط ملی،جبکہ چالیس کروڑ اسسی لاکھ ڈالرز دیگر بیرونی ذرائع سےحاصل ہوئے۔
اسٹیٹ بینک کےمطابق گذشتہ ہفتےپاکستان نےساٹھ کروڑ بیس لاکھ ڈالرکی مجموعی بیرونی ادائیگیاں قرض اورسودکی مدمیں کیں۔
