پاکپتن میں غیرت کے نام پر شوہر نے بیوی کا گلہ کاٹ کر قتل کردیا۔
اے آر وائی نیوز کے مطابق پاکپتن کے محلہ شاہد نگر میں غیرت کے نام پر شوہر طیب نے چھری کی وار کرکے بیوی کرن کی گردن کاٹ دی۔
مقتولہ کی پانچ سال قبل ملزم طیب سے شادی ہوئی تھی اور تین بچوں کی ماں تھی۔
- Advertisement -
پولیس کے مطابق ملزم طیب قتل کرکے فرار ہورہا تھا جسے گرفتار کرلیا گیا ہے۔
ڈی پی او پاکپتن طارق ولایت پولیس کی بھاری نفری کے ہمراہ جائے وقوعہ پر پہنچے جبکہ خاتون کی لاش کو ضابطے کی کارروائی کے لیے اسپتال منتقل کردیا گیا ہے۔
ڈی پی او نے کہا کہ وزیر اعلیٰ پنجاب اور آئی جی پنجاب کے احکامات پر خواتین کیخلاف ہونے والے جرائم پر سختی سے نمٹا جائے گا۔
