پانامہ لیکس : موسیک فونسیکا کے اسٹورپرچھاپہ، دستاویزات ضبط -
The news is by your side.

Advertisement

پانامہ لیکس : موسیک فونسیکا کے اسٹورپرچھاپہ، دستاویزات ضبط

پاناما : سیکڑوں آف شورکمپنیاں رجسٹرکرنے والی فرم موسیک فونسیکا کے خلاف کارروائی تیزکردی گئی ۔فرم کے اسٹورپرچھاپہ مارکرتلف شدہ دستاویزات قبضے میں لے لی گئی ہیں۔

تفصیلات کے مطابق دنیا بھر میں تہلکہ مچانے اور آف شورکمپنیوں کا ریکارڈ رکھنے والی فرم موسیک فونسیکا کے خلاف کارروائی تیزکردی گئی۔

غیرملکی خبرایجنسی کے مطابق پاناما میں سیکڑوں آف شورکمپنیاں رجسٹرکرنے والی فرم موسیک فونسیکا کے اسٹورپرچھاپہ مارکرتلف کی گئی سیکڑوں دستاویزات قبضے میں لے لی گئیں۔

حکام کا کہنا ہے کہ دستاویزات تلف کرنے کا مقصدثبوت مٹانا تھا۔ دوسری جانب موسیک فونسیکا کے ترجمان نے کہا ہےکہ دستاویزات ڈیجیٹل ہیں جن کی کاپی حکام کوفراہم کردی گئی تھیں۔

موسیک فونسیکا کے دفترپرگذشتہ ہفتے بھی چھاپہ مارکردستاویزات اورکمپیوٹرقبضے میں لے لئےگئے تھے۔

یاد رہے کہ پنامہ لیکس نے پاکستان سمیت دنیا بھر میں ہلچل مچادی ہے۔ جس نے دنیا بھر کی اہم ترین شخصیات کے خفیہ اثاثے ظاہرکردیئے جس میں بڑے بڑے عالمی رہنماؤں کے نام شامل ہیں۔

برطانوی وزیراعظم کے والد کانام بھی پانامہ لیکس میں آیاہے۔ ڈیوڈ کیمرون نے اپنے والد کی آف شور کمپنیوں میں تیس ہزار پاﺅنڈ سے زائد کی سرمایہ کاری کااعتراف بھی کیا ہے۔

اس کے علاوہ آئس لینڈ کے وزیراعظم نے بھی الزامات کا اعتراف کرتے ہوئے اپنے عہدے سے استعفیٰ دے دیا تھا۔

 

Comments

comments

یہ بھی پڑھیں