لاہور : منی لانڈرنگ ریفرنس میں شہباز شریف خاندان کے سہولت کار وعدہ معاف گواہ شاہد رفیق کا بیان سامنے آ گیا، جس میں شاہد رفیق نے بتایا کہ 24 لاکھ 30 ہزار امریکی ڈالر کی ٹی ٹیز لگوائیں۔
تفصیلات کے مطابق منی لانڈرنگ کیس میں وعدہ معاف گواہ شاہد رفیق نے اعتراف کیا ہے کہ اس نے شہباز شریف فیملی کے لیے منی لانڈرنگ میں سہولت کاری کی۔ وہ پاکستان میں 2009 سے منی ایکسچینجز کا کام کرتا تھا، 24 لاکھ 30 ہزار امریکی ڈالر کی ٹی ٹیز لگوائیں۔
شاہدرفیق نے بیان میں کہا کہ تمام رقم کی ٹی ٹیز حمزہ شہباز، سلمان شہباز اور رابعہ عمران کے اکاؤنٹس میں لگوائی گئیں، یہ تمام رقم پاکستان سے برطانیہ ارسال کی گئی۔ جو قاسم قیوم ، مختار احمد اور محمد رفیق فراہم کرتے تھے۔
شہباز شریف خاندان کے سہولت کار کا بیان میں مزید کہنا تھا کہ اسے حمزہ شہباز اور اس کے ورکرز کیمشن دیتے تھے جو ماڈل ٹاؤن سے وصول کرتا تھا، آفتاب احمد برطانیہ سے نجی بنک کے ذریعے حمزہ شہباز، سلمان شہباز اور رابعہ عمران کے اکاؤنٹس میں پیسے بھیجتا تھا۔
شاہد رفیق نے کہا کہ اس نے سچائی بیان کر دی ہے، اسے معاف کر دیا جائے۔
