The news is by your side.

Advertisement

فرانس: ایئرپورٹ پر نقلی پستول سے مسافروں میں خوف وہراس پھیل گیا

پیرس: فرانس میں ایئرپورٹ پر نقلی پستول نے مسافروں کو پریشان کردیا، خوف وہراس کے باعث ٹرمینل کو خالی کرالیا گیا۔

تفصیلات کے مطابق فرانسیسی دارالحکومت پیرس میں چارلس ڈیگال ایئرپورٹ پر اس وقت خوف وہراس پھیل گیا کہ جب دو مسافروں کے پاس سے نقلی پستول کی موجودگی کا پتا چلا۔

غیر ملکی خبر رساں ادارے کے مطابق نقلی پستول کی اطلاع ملتے ہی ٹرمینل میں موجود مسافر ڈرو خوف سے چونک گئے، جس کے بعد ٹرمینل نمبر دو کو خالی کرا لیا گیا۔

حکام کا کہنا ہے کہ یہ واقعہ مقامی وقت کے مطابق صبح 8:30 بجے پیش آیا، بعد ازاں پولیس نے کارروائی کرتے ہوئے دونوں مسافروں کو حراست میں لے لیا۔

پولیس کا کہنا ہے کہ ٹرمینل سے کسی مسافر نے پستول کی موجودگی کی اطلاع ہمیں دی بعد ازاں ہم فوری طور پر ٹرمینل پہنچے اور دنوں مسافروں کو موقع سے گرفتار کیا۔

دبئی کورٹ نے ڈرائیور کو کھلونا پستول سے ڈرانے پر ملزم کو نفسیاتی اسپتال بھجیج دیا

پولیس کے مطابق گرفتاری کے بعد چھان بین پر پتہ چلا کے ان کے پاس ’ایئر سافٹ‘ نامی پستول تھے جو بظاہر ہتھیار کی طرح لگتے ہیں مگر کھیل کے لیے استعمال ہوتے ہیں۔

خیال رہے کہ رواں سال نومبر میں اسی نوعیت کا ایک واقعہ دبئی میں پیش آیا تھا، جہاں ٹیکنیشن کا کام کرنے والے دبئی کے رہائشی 35 سالہ بھارتی شخص پر الزام تھا کہ ملزم نے اپنی بیٹی کی پستول سے بس ڈرائیور کو ڈریا اور رفتار تیز کرنے کے لیے دھمکیاں دی تھیں۔

بعد ازاں اماراتی عدالت نے نقلی پستول سے بس ڈرائیور کو ڈرا کر گاڑی حد رفتار سے تیز چلوانے والے بھارتی شہری کو نفسیاتی اسپتال بھیجنے کا حکم دیا تھا۔

Comments

comments

یہ بھی پڑھیں