The news is by your side.

Advertisement

’پاوری گرل‘ نے اہم سنگ میل عبور کرلیا

پشاور: سوشل میڈیا پر ویسے تو آئے روز دلچسپ ویڈیوز وائرل ہوتی ہیں مگر کچھ ویڈیوز ایسی ہوتی ہیں جو عام انسان کو شہرت کی بلندیوں تک پہنچا دیتی ہیں۔

اس کی تازہ مثال گزشتہ دنوں انٹرنیٹ پر وائرل ہونے والی ’پارری ہورہی ہے‘ ویڈیو ہے، جس میں خیبرپختونخواہ سے تعلق رکھنے والی لڑکی دنانیر مبین نے تین جملے بولے جو دنیا بھر میں پھیل گئے۔

دنانیر کی یہ ویڈیو اس قدر وائرل ہوئی کہ معروف شخصیات حتیٰ کہ بالی ووڈ کے نامور اداکاروں نے بھی ’یہ ہم ہیں، یہ ہماری گاڑی ہے اور یہ ہماری پارری ہورہی ہے‘ کے طرز پر ویڈیوز بنائیں۔

 

View this post on Instagram

 

A post shared by Dananeer | 🇵🇰 (@dananeerr)

دنانیر اس ویڈیو سے قبل بھی سوشل میڈیا پر متحرک تھیں مگر جب سے اُن کی پارری ویڈیو وائرل ہوئی اُس کے بعد سے انہیں لوگوں نے بڑی تعداد میں فالو کرنا شروع کیا۔

ویڈیو دیکھیں: ’’پارٹی ہورہی ہے‘‘ ماہرہ خان کے رقص کی ویڈیو وائرل

یہ ویڈیو وائرل ہونے سے قبل دنانیر کے انسٹاگرام فالوورز کی تعداد چند ہزار تھی مگر چند روز میں انہیں اتنے زیادہ لوگوں نے فالو کیا کہ اب انہوں نے دس لاکھ فالوورز کا سنگ میل انتہائی قلیل عرصے میں عبور کرلیا ہے۔

دنیا بھر میں مشہوری حاصل کرنے کے بعد دنانیر نے بھی اپنے اکاؤنٹ سے لوگوں کو فالو کیا۔ دنانیر کی پارری ویڈیو کو اب تک 66 لاکھ صارفین دیکھ چکے ہیں جبکہ اُن کے ٹویٹر فالوورز کی تعداد اور یوٹیوب ویوز میں اضافہ ہوا۔

 

View this post on Instagram

 

A post shared by Dananeer | 🇵🇰 (@dananeerr)

واضح رہے کہ گزشتہ دنوں سوشل میڈیا پر ایک مختصر ویڈیو وائرل ہوئی تھی جس میں دنانیر نامی نوجوان لڑکی پاکستان کے شمالی علاقے نتھیا گلی میں اپنے دوستوں کے ساتھ موجود تھی۔

Comments

یہ بھی پڑھیں