نوشہرہ: پشتو ٹیلی فلم کی اداکارہ مسرت شاہین قاتلانہ حملے میں جاں بحق ہوگیں۔
پشتو ٹیلی فلم کی اداکارہ مسرت شاہین والدہ کے ہمراہ ایک اسٹور جاتے ہوئے شوبرا چوک کے مقام پر نامعلوم افراد کی گولیوں کا نشانہ بن گئیں، حملہ کرنے والے موٹرسائیکل پر سوار تھے۔
چوبیس سالہ شاہیں موقع پر ہی جاں بحق ہوگئیں، جبکہ حملے میں ان کی والدہ مکمل طور پر محفوظ رہیں ہیں، حملہ کرنے والے نامعلوم افراد حملہ کے بعد با آسانی فرار ہونے میں کامیاب ہوگئے۔
- Advertisement -
پولیس کے مطابق مسرت شاہین کی والدہ نے نامعلوم افراد کے خلاف مقدمہ درج کروایا ہے، جس بعد سے قتل کی تحقیقات شروع ہوگئیں ہیں ۔
تاہم ان کے اہل خانہ نے پولیس سے بات کرتے ہوئے کسی سے دشمنی نہ ہونے کی بھی وضاحت کی ہے ۔
واضح رہے کہ مسرت شاہین نے درجنوں پشتو ٹیلی فلم میں اداکاری کے جوہر دیکھائے تھے۔
