کراچی سے لاڑکانہ مسافروں کو لے جانے والی مسافر بس حادثے کا شکار ہوگئی جس کے نتیجے میں 3 قیمتی جانیں ضائع اور 8 افراد شدید زخمی ہوگئے۔
تفصیلات کے مطابق سپر ہائی وے جوکھیو موڑ پر دو بسوں میں خطرناک تصادم ہوا جس کے نتیجے میں 3 افراد جاں بحق، 8 شدید زخمی ہوگئے۔
ریسکیو ذرائع کے مطابق 2 مسافر بسیں آپس میں ٹکراگئیں ٹریفک حادثے میں 3 افراد جاں بحق ہوگئے جبکہ 8 شدید زخمی ہوگئے، جاں بحق و زخمی ہونے والے افراد کی شناخت 60 سالہ نامعلوم شخص اور 2 بچے شامل ہیں جبکہ زخمیوں میں علی خان، بالاج، عرفان علی، خالد، رخسانہ بچی اور فریدہ شامل ہیں، زخمیوں کو طبی امداد فراہم کی جارہی ہیں۔
پولیس کے مطابق بس کراچی سے لاڑکانہ جارہی تھی، بس میں 40 سے زائد مسافر سوار تھے حادثہ تیز رفتاری کے باعث پیش آیا، بس سلپ ہوکر حادثے کا شکار ہوئی بارش کے باعث روڈ پر پھسلن تھی جو حادثے کا سبب بنی۔
