لاہور: پاکستان کرکٹ بورڈ (پی سی بی) نے ورلڈ کپ کے لیے ٹیم مینجمنٹ کا اعلان کردیا۔
آئی سی سی کرکٹ ون ڈے ورلڈ کپ 5 اکتوبر سے بھارت میں شیڈول ہے جس کے لیے قومی ٹیم 25 ستمبر کو بھارت کے لیے روانہ ہوگی لیکن قومی ٹیم کو بھارتی ہائی کمیشن کی جانب سے تاحال ویزے جاری نہیں کیے گئے ہیں۔
پاکستان کرکٹ بورڈ نے ورلڈ کپ کے لیے 15 رکنی قومی ٹیم کا اعلان گزشتہ روز کیا تھا۔
قومی ٹیم میں بابر اعظم (کپتان)، شاداب خان (نائب کپتان)، محمد رضوان (وکٹ کیپر)، حارث رؤف، حسن علی، سعود شکیل، محمد نواز، امام الحق، محمد وسیم جونیئر، سلمان علی آغا، افتخار احمد، عبداللہ شفیق، اسامہ میر، شاہین شاہ آفریدی شامل ہیں جب کہ محمد حارث، ابرار احمد اور زمان خان ریزرو کھلاڑی ہوں گے۔
Pakistan unveil squad for the World Cup campaign 🇵🇰💪
More details ➡️ https://t.co/hanhk17ACZ#WeHaveWeWill | #CWC23 pic.twitter.com/HY9cWDGnQn
— Pakistan Cricket (@TheRealPCB) September 22, 2023
تاہم اب پی سی کی جانب سے ورلڈ کپ کے لیے ٹیم مینجمنٹ کا اعلان کیا گیا ہے۔
قومی ٹیم کے منیجر کے طور پر ریحان الحق فرائض سرانجام دیں گے، ٹیم ڈائریکٹر مکی آرتھر، ہیڈ کوچ گرانٹ براڈ برن ہوں گے۔
قومی ٹیم کے بیٹنگ کوچ اینڈریو پیوٹک، مورنے مورکل بولنگ کوچ ہوں گے، آفتاب خان فیلڈنگ کوچ، عبدالرحیم اسسٹنٹ کوچ کے فرائض انجام دیں گے۔
PCB confirms team management for ICC Men's Cricket World Cup 2023
Details here ⤵️ https://t.co/nDCmssV8v1
— PCB Media (@TheRealPCBMedia) September 23, 2023
ڈاکٹر سہیل سلیم ورلڈ کپ کے دوران قومی ٹیم کے ڈاکٹر ہوں گے، احسن افتخار ناگی ٹیم کے میڈیا منیجر ہوں گے۔
