محکمہ صحت کی غفلت، بچوں کے دل کے امراض کا پروجیکٹ انتہائی تاخیر کا شکار

کراچی: محکمہ صحت اور این آئی سی وی ڈی کی مبینہ غفلت کے باعث کراچی میں بچوں کے دل کے امراض کا پروجیکٹ انتہائی تاخیر کا شکار ہو گیا ہے۔

تفصیلات کے مطابق این آئی سی وی ڈی میں پیڈز کارڈیالوجی یونٹ رواں سال بھی مکمل نہیں ہو سکا، 2017 میں پیڈز کارڈیالوجی یونٹ کا سنگ بنیاد 17 کروڑ کی لاگت سے رکھا گیا تھا۔

ذرائع کا کہنا ہے کہ پیڈز کارڈیالوجی یونٹ سال 2021 میں مکمل ہونا تھا جس کی تکمیل اب جون 2024 تک متوقع ہے، 258 بستروں پر مشتمل اسپتال میں 6 آپریشن تھیٹر، 24 بستروں پر مشتمل آئی سی یو شامل ہے۔

تاخیر کے باعث اس منصوبے کی لاگت بڑھ کر اب 2 ارب 75 کروڑ تک پہنچ چکی ہے۔ واضح رہے کہ یہ منصوبہ بچوں میں دل کے بڑھتے امراض کے پیش نظر شروع کیا گیا تھا، تاکہ بچوں کو امراض قلب سے متعلق تمام سہولتیں ایک ہی جگہ فراہم کی جا سکیں۔

Comments