The news is by your side.

Advertisement

ڈارک ویب چلانے والے ملزم کو 3 بار سزائے موت کا حکم

راولپنڈی: ڈارک ویب چلانے والے ملزم سہیل ایاز کو جرم ثابت ہونے پر 3 بار سزائے موت، 3 بار عمر قید کی سزا سنادی گئی۔

اے آر وائی نیوز کی رپورٹ کے مطابق راولپنڈی کی ڈسٹرکٹ اینڈ سیشن عدالت نے ڈار ک ویب چلانے والے ملزم سہیل ایاز کو جرم ثابت ہونے پر 3 بار سزائے موت، 3 بار عمر قید اور 6 لاکھ جرمانے کی سزا سنادی، ملزم کے ساتھی خرم کو 7 سال قید، ایک لاکھ جرمانے کی سزا سنائی گئی۔

واضح رہے کہ ملزم نے سینکڑوں معصوم بچوں سے زیادتی کی ویڈیوز ڈارک ویب پر نشر کی تھیں، ملزم برطانیہ کی عدالت سے بھی چار سال کی سزا کاٹ چکا ہے، سہیل ایاز کے خلاف اٹلی میں بھی بچوں کے ساتھ زیادتی کا مقدمہ چلایا گیا تھا۔

مزید پڑھیں: بچوں سے زیادتی کا ملزم سرکاری ملازمت سے برطرف کردیا گیا

ملزم سہیل ایاز پر متعدد بچوں سے زیادتی کے الزامات تھے اور اس کے خلاف راولپنڈی کے علاقے تھانہ روات میں بچوں کے ساتھ جنسی زیادتی کے 3 مقدمات درج تھے۔

یاد رہے کہ ملزم سہیل ایاز خیبرپختونخوا میں عالمی ادارے کے پراجیکٹ میں بھی ملازم رہا ہے اور اسے ایک سال قبل راولپنڈی سے گرفتار کیا گیا تھا۔

Comments

یہ بھی پڑھیں