The news is by your side.

Advertisement

پنشنرز کیلئے اہم خبر آگئی، حکومت کا بڑا فیصلہ

اسلام آباد : حکومت نے پینشنرز کے نام سے فراڈ کرنے والے افراد کیخلاف سخت اقدام کرتے ہوئے نیا نظام متعارف کرادیا، تمام پینشنرز کی بائیو میٹرک تصدیق لازم قرار دے دی گئی۔

تفصیلات کے مطابق گھوسٹ پنشنرز کے گرد گھیرا تنگ ہوگیا، اب پنشن حاصل کرنے کیلئے حکومت نے نیا نظام متعارف کرادیا ہے جس کے تحت تمام پنشنرز کی بائیومیٹرک تصدیق لازم قرار دے دی گئی ہے۔

اس حوالے سے جاری مراسلے میں کہا گیا ہے کہ بائیو میٹرک تصدیق والے اکاؤنٹس میں ہی پنشن جاری کی جائے گی، معذوری کی وجہ سے بائیو میٹرک نہ کرانے والوں کو زندہ ہونے کاسرٹیفکیٹ دینا ہوگا۔

دستاویز کے مطابق مختار شخص کی جانب سے پنشنر زندہ ہونے کاسرٹیفکیٹ دیں گے، اس کے علاوہ حکومت نے جوائنٹ اکاؤنٹ میں پنشن بھجوانے پر پابندی لگادی ہے۔

دستاویز میں کہا گیا ہے کہ ہرسال مارچ اور اکتوبر میں پنشنرز کو تصدیق کرانا ہوگی اگر6ماہ تک پنشن نہ نکالی گئی تو اکاؤنٹ غیرفعال ہوجائے گا۔

Comments

یہ بھی پڑھیں