اسلام آباد: ترجمان وزارت صحت نے کہا ہے کہ پشاور کے ماحولیاتی نمونے میں پولیو وائرس کی تصدیق ہوئی ہے۔
تفصیلات کے مطابق ترجمان وزارت صحت کا کہنا ہے کہ ملک میں رواں سال مثبت ماحولیاتی نمونوں کی تعداد 15 ہوگئی، وائرس افغانستان میں موجود پولیو وائرس سے تعلق رکھتا ہے۔
سیکرٹری صحت افتخار علی شلوانی کا کہنا ہے کہ ملک میں متعدد پولیو مہم کا انعقاد کیا جا رہا ہے، پولیو کے خاتمے کیلئے تمام تر ضروری اقدامات کیے جارہے ہیں۔
انہوں نے کہا کہ جہاں وائرس موجود ہوتا ہے وہاں مربوط حکمت عملی تشکیل دی جاتی ہے، والدین ہر مہم میں بچوں کو پولیو سے بچاؤ کے قطرے ضرور پلوائیں۔
افتخار علی شلوانی نے مزید کہا کہ بچوں کو مستقل معذوری سے بچانا ہمارا مذہبی اور اخلاقی فرض ہے، سول سوسائٹی میڈیا پولیو کے خاتمے کیلئے کلیدی کردار ادا کرے۔
Comments
- Advertisement -
