The news is by your side.

Advertisement

پشاور: حیات آباد میں پولیس موبائل کےقریب دھماکا

پشاور: ملک دشمن عناصر نے صوبہ خیبرپختونخواہ میں بزدلانہ کارروائی کرتے ہوئے پولیس موبائل کو نشانہ بنایا ہے۔

پولیس ذرائع کے مطابق حیات آباد میں کارخانوں چیک پوسٹ کے قریب پولیس موبائل کے قریب دھماکا ہوا ہے، دھماکے کی اطلاع ملنے پر پولیس اور امدادی ٹیمیں جائے حادثے کی جانب روانہ ہوئی۔

ریسکیو ذرائع کے مطابق نامعلوم ملزمان کی جانب سے پولیس موبائل پر دستی بم حملہ کیا گیا، حملے میں پولیس اہلکار شہید جبکہ ایک راہگیر زخمی ہوا۔

پولیس ذرائع کا کہنا ہے کہ قانون نافذ کرنے والے اداروں نے جائے حادثے کو گھیرے میں لیتے ہوئے ملزمان کی تلاش شروع کردی ہے جبکہ زخمی افراد کو طبی امداد کے لئے قریبی اسپتال منتقل کردیا گیا ہے۔

یہ بھی پڑھیں: حیات آباد میں دہشت گردوں کے خلاف آپریشن، پولیس اہلکارشہید، 5 دہشت گرد ہلاک

حیات آباد میڈیکل کمپلیکس کے ترجمان نے بتایا کہ دستی بم حملے میں دو زخمی افراد کو اسپتال منتقل کیا گیا، جن میں سے ایک پولیس اہلکار دوران علاج دم توڑ گیا، جس کی شناخت امین کے نام سے ہوئی ہے جبکہ راہ گیر کو طبی امداد دی جارہی ہے۔

Comments

یہ بھی پڑھیں