The news is by your side.

Advertisement

جے یو آئی ف کے جلسے کیخلاف اسلام آباد ہائی کورٹ میں درخواست دائر

اسلام آباد : جے یو آئی ف کے جلسے کیخلاف اسلام آباد ہائیکورٹ میں درخواست دائر کردی گئی ، جس میں کہا ہے کہ جے یو آئی سری نگر ہائی وے اسلام آباد کو بلاک کرنے جارہی ہیں۔

تفصیلات کے مطابق جے یو آئی ف کے جلسہ کے خلاف اسلام آباد ہائیکورٹ میں ریاست پاکستان نے درخواست دائر کردی ، درخواست ایڈووکیٹ جنرل اسلام نیاز اللہ نیازی اور لا آفیسر محمد عاطف نے دائرکی۔

درخواست میں کہا گیا ہے کہ اسپیشل برانچ اسلام آباد کی رپورٹ کے مطابق جے یو آئی ایف ریلی کے منتظمین/ جواب دہندگان سری نگر ہائی وے اسلام آباد کو بلاک کرنے جارہے ہیں۔

دائر درخواست میں کہا ہے کہ جے یو آئی نے سری نگر ہائی وے پر اسٹیج بنانے کا فیصلہ کیا ہے، جے یو آئی کی طرف سے این او سی کی خلاف ورزی کی وجہ سے ضلع مجسٹریٹ کی طرف سے جواب دہندگان کو وجہ بتاؤ نوٹس بھی جاری کیا گیا۔

درخواست کے مطابق حکمراں جماعت یا اپوزیشن جماعتوں سے توقع کی جاتی ہے کہ وہ عوامی نظم و ضبط کو برقرار رکھنے کے لیے مقرر کردہ ضابطوں اور پابندیوں کی سختی سے تعمیل کریں۔

دائر درخواست میں کہا ہے کہ ججمنٹ کے مطابق تمام شہریوں کے بنیادی حقوق کے تحفظ کے لیے اپنے آئینی فرض کو ذہن میں رکھیں، ممکنہ خطرات اور اس کے بعد ایسے فیصلے کریں جو شہریوں کے حقوق کے تحفظ کے لیے ضروری ہوں۔

درخواست میں کہا گیا ہے کہ اپوزیشن پارٹیوں سے توقع کی جاتی ہے کہ امن عامہ کو برقرار رکھنے کے لیے مقرر کردہ ضابطوں اور پابندیوں کی سختی سے تعمیل کریں۔

درخواست کے مطابق یہاں یہ بات قابل ذکر ہے ڈسٹرکٹ مجسٹریٹ نے ریلی کے انعقاد کیلئے این او سی جاری کیا اور ضلع مجسٹریٹ نے ریلی کے لیے مخصوص جگہ مختص کی تھی۔

درخواست کے ساتھ 17 مارچ 2022 کے حکم کی کاپی بطور ضمیمہ منسلک کر دیا گیا ہے،

Comments

یہ بھی پڑھیں