لاہور : ملک میں انتخابات 90 روز میں نہ کرانے کیخلاف درخواست دائر کردی گئی ، جس میں کہا ہے کہ الیکشن کمیشن کا موقف آرٹیکل 224 شق 2 کی خلاف ورزی ہے۔
تفصیلات کے مطابق لاہورہائی کورٹ میں انتخابات90 روز میں نہ کرانے کیخلاف درخواست دائر کردی گئی ، درخواست محمدمسقط سلیم ایڈووکیٹ نے دائرکی۔
درخواست میں الیکشن کمیشن، وفاقی حکومت اور ادارہ شماریات سمیت دیگر کو فریق بنایا گیا ہے اور مؤقف اختیار کیا گیا ہے کہ الیکشن کمیشن نے17اگست کوانتخابات سےمعذرت کانوٹیفکیشن جاری کیا، الیکشن کمیشن نے نوٹیفکیشن میں کہامردم شماری اورنئی حلقہ بندیاں کرنی ہیں۔
- Advertisement -
درخواست کا کہنا تھا کہ الیکشن کمیشن کاموقف آرٹیکل224شق2کی خلاف ورزی ہے، استدعا ہے کہ عدالت الیکشن کمیشن کو 90روزمیں انتخابات کروانےکا حکم جاری کرے۔
