لاہور : لاہور ہائی کورٹ نے بانی پی ٹی آئی کی 5 سال نااہلی اور الیکشن کی اجازت کیلئے درخواستیں سماعت کیلئے مقرر کردی۔
تفصیلات کے مطابق بانی پی ٹی آئی کی 5 سال نااہلی اور الیکشن کی اجازت کیلئے درخواستیں سماعت کیلئے مقرر کردی گئی۔
لاہورہائیکورٹ کا 5 رکنی بینچ درخواستوں پر12 جنوری کوسماعت کرے گا ، عدالت نے وفاقی حکومت اور الیکشن کمیشن کو نوٹس کرکے جواب طلب کر رکھا ہے۔
درخواست میں مؤقف اختیار کیا گیا ہے کہ توشہ خانہ کیس میں الیکشن کمیشن نے درخواست گزار کو نااہل قرار دیا ،الیکشن کمیشن نے اختیار نہ ہونے کے باوجود غیر آئینی طور پر نااہل کیا۔
درخواست میں کہنا تھا کہ الیکشن کمیشن نے 8 اگست کو نااہلی کا نوٹیفکیشن خلاف آئین اور قانون جاری کیا، استدعا ہے کہ عدالت الیکشن کمیشن کے جاری نااہلی کے نوٹیفکیشن کو غیر آئینی قرار دے اور کیس کے فیصلے تک نوٹیفکیشن معطل کرے۔
