کراچی : شہر قائد کے علاقے شاہ فیصل کالونی نمبر تین میں منی پٹرول پمپ سے رہائشی عمارت میں آگ لگنے سے ایک شخص جل کر جاں بحق ہوگیا۔
اس حوالے سے اے آر وائی نیوز سے گفتگو کرتے ہوئے علاقہ مکینوں کا کہنا تھا کہ ہم نے اسسٹنٹ کمشنر کورنگی کو پیٹرول یونٹ قائم کرنے پر درخواست بھی دی تھی۔
رہائشی عمارت میں10خاندان مقیم ہیں اور تمام 10فلیٹ مالکان نے غیرمجاز پٹرول پمپ کو یہاں سے ہٹانے کیلیے درخواست جمع کرائی تھی۔
درخواست میں مؤقف اختتیار کیا تھا کہ اس طرح کے رہائشی علاقوں میں پیٹرول پمپ قائم کرنا حادثات کا باعث بنتے ہیں لہٰذا اسے ختم کرایا جائے۔
رہائشی عمارت میں10خاندان مقیم ہیں اور تمام 10فلیٹ مالکان نے غیرمجاز پٹرول پمپ کو یہاں سے ہٹانے کیلیے درخواست جمع کرائی تھی۔
درخواست میں مطالبہ کیا گیا تھا کہ غیر مجاز پٹرول پمپ سیٹ اپ عمارت مکینوں کی جان کیلئے خطرناک ہے، لہٰذا ایسی سرگرمیوں پر مکمل پابندی لگائی جائے۔
درخواست گزاروں کے مطابق انتظامیہ نے پٹرول پمپ سیل بھی کیا تھا، لیکن ایک ہفتے کےاندر پٹرول پمپ مالک نے اسے ڈی سیل کروادیا۔
عمارت کے مکینوں کا کہنا ہے کہ پمپ مالک نے کہا کہ میں ڈی سی، اے سی اور پولیس سب کو پیسے دیتا ہوں، پمپ مالک نے کہا کہ میرا سیٹ اپ کوئی نہیں ہٹا سکتا۔
علاقہ مکین نے بتایا کہ جاں بحق ہونے والا شخص سراج سیلون پر بال کٹوانے آیا تھا، آگ لگتے ہی شعلوں نے دکان کو گھیر لیا، سراج دکان کے اندر ہی دم گھٹنےسے جاں بحق ہوا۔
