The news is by your side.

Advertisement

پی آئی اے کی ترقی وزیر اعظم عمران خان کا وژن ہے، محمد نفیس زکریا

کراچی : برطانیہ میں مقیم پاکستانی ہائی کمشنر محمد نفیس زکریا نے کہا ہے کہ پی آئی اے کی ترقی وزیر اعظم عمران خان کا وژن ہے، اس کی بہتری کیلئے ہم سب کو مل کر اقدامات کرنا ہوں گے۔

یہ بات انہوں نے پی آئی اے برطانیہ کے کنٹری منیجر سے گفتگو کرتے ہوئے کہی، تفصیلات کے مطابق پی آئی اے برطانیہ کے کنٹری منیجر سراج قاضی کی برطانیہ میں مقیم پاکستانی ہائی کمشنر محمد نفیس زکریا سے ملاقات ہوئی ہے۔

ملاقات میں پی آئی اے کے امور سے متعلق بریفنگ دی گئی، اس موقع پر پاکستانی ہائی کمشنر نفیس ذکریا نے سراج قاضی کو اپنے مکمل تعاون کی یقین دہانی کرائی۔

ہائی کمشنر محمد نفیس ذکریا کا کہنا تھا کہ وزیراعظم عمران خان کا ویژن ہے کہ پی آئی اے ایک بار پھر دنیا میں اپنا مقام حاصل کرے گی، پی آئی اے قومی اثاثہ ہے اس کی بہتری کیلئے ہم سب کو مل کر اقدامات کرنا ہوں گے۔

اس موقع پر پی آئی اے برطانیہ کے کنٹری منیجر سراج قاضی نے بتایا کہ پی آئی اے نے برطانیہ میں110ملین پاؤنڈ کا ریکارڈ روینیو حاصل کیا ہے ، پی آئی اے برطانیہ میں پاکستانی مسافروں کو زیادہ سے زیادہ سہولت فراہم کررہی ہے جس کے باعث مسافروں میں اعتماد بحال ہوا ہے۔

Comments

comments

یہ بھی پڑھیں