کراچی : پی آئی اے میں لیگل کنسلٹنٹ کی تعیناتی کیلئے قواعد و ضوابط کی سنگین خلاف ورزیوں کا انکشاف ہوا ہے، سرکاری آڈیٹرز نے کنسلٹنٹ کو دیئے گئے تین کروڑ روپے کی رقم وصول کرنے کی ہدایت کی ہے۔
سرکاری آڈیٹرز کی رپورٹ اے آر وائی نیوز نے حاصل کرلی، عبد الرؤف کی تعیناتی کے لئے یکطرفہ فوائد فراہم کئے گئے، ترجمان پی آئی اے کے مطابق دو مختلف مدت میں تعیناتی کے لئے سرکاری قواعد و ضوابط کو نہیں دیکھا گیا۔
اسی گریڈ کے مستقل افسرکی نسبت کنسلٹنٹ کوماہانہ13لاکھ زائد ادا کئے گئے، کنسلٹنٹ کو پی آئی اے کے خرچ پر مختلف ممالک کے دورے کرائے گئے۔
ترجمان کا مزید کہنا ہے کہ تعیناتی کیلئے بورڈ آف ڈائریکٹرز سے منظوری نہیں لی گئی، کنسلٹنٹ کی تنخواہ و دیگرمراعات کیلئے بجٹ بھی منظور شدہ نہیں ہے، ادارے کو ہونے والے نقصان کی رقم کنسلٹنٹ یا بھرتی کے ذمہ دارسے لی جائے۔
ترجمان پی آئی اے کا کہنا ہے کہ اعتراضات اور تجاویز کو متعلقہ شعبے کوروانہ کر دیا گیا ہے، آڈٹ اعتراضات پرکارروائی اور جوابات ملنے پرآڈیٹرز کو روانہ کئےجائیں گے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
