کراچی: قومی ایئرلائن (پی آئی اے) نے پائلٹوں اور فضائی میزبانوں کو دوران پرواز روزہ رکھنے کی ممانعت کی ہدایت کر دی۔
تفصیلات کے مطابق پاکستان انٹرنیشنل ایئرلائن کی جانب سے کارپوریٹ سیفٹی منیجمنٹ اور ایئر کریو میڈیکل سینٹر کے سفارشات پر عملے کے ارکان کو روزہ نہ رکھنے کی ہدایت جاری کی گئی ہے۔
مراسلے میں کہا گیا ہے کہ تمام پائلٹس اور فضائی میزبانوں کو بذریعہ مراسلہ آگاہ کیا جا رہا ہے کہ دوران پرواز روزے کی حالت میں انسان کو ڈی ہائیڈریشن، سستی اور کاہلی ہو جاتی ہے، کریو ارکان کے اپنے مفاد میں دوران سفر روزہ نہ رکھنے کی سہولت دی گئی ہے، اس لیے جو پائلٹ اور کریو ممبر روزے کی حالت میں ہو اس کو پرواز پر جانے کی اجازت نہیں ہوگی۔
