کراچی : پی آئی اے اور پی ایس او کے درمیان واجبات کی عدم ادائیگی کے تنازعے کے معاملے پر اہم پیش رفت سامنے آئی ہے۔
پی آئی اے اور پی ایس او درمیان ہونے والے مذاکرات میں پی آئی اے کے چیف فنانس آفیسر اور پی ایس او حکام کے درمیان باہمی اتفاق رائے ہوگیا۔
اس حوالے سے ترجمان پی آئی اے کا کہنا ہے کہ پی آئی اے یومیہ بنیادوں پر کھپت کے حساب سے پی ایس او کو ادائیگیاں کرے گی۔
پی آئی اے فلائٹ شیڈول کے مطابق اپنے جہازوں کے لئے پی ایس او سے فیول خریدے گی، ملک کے تمام ائیرپورٹ پر جہازوں کیلئے ایندھن لیا جائے گا جن کے بارے میں پی آئی اے پی ایس او کو باقاعدہ آگاہ کرے گا۔
قبل ازیں اس حوالے سے ذرائع کا کہنا تھا کہ اجلاس میں مجوزہ طور پر یہ طے کیا گیا تھا کہ پی آئی اے یومیہ بنیادوں پر پی ایس او کو دس کروڑ روپے کی ادائیگی کرے گی تام بعد ازاں فریقین میں اس معاملے پر اتفاق رائے ہوگیا۔
