اسلام آباد : سری لنکا میں قید پاکستانیوں کی وطن واپسی کےلیے قومی ایئرلائن کا طیارہ کل دارلحکومت سے کولمبو کےلیے روانہ ہوگا۔
تفصیلات کے مطابق پاکستان انٹرنیشنل ایئرلائن نے وزارت خارجہ اور داخلہ کی درخواست پر سری لنکا میں قید 44 پاکستانیوں کی وطن واپسی کےلیے خصوصی طیارہ چلادیا۔
کولمبو سے واپس لائے جانے والے قیدیوں میں 6 خواتین قیدی بھی شامل ہوں گی اور انہیں لینے کےلیے فیڈرل انویسٹی گیشن ایجنسی کے اسکارٹ اسکواڈ کے 22 اہلکار اور دو نادرا اہلکار سری لنکا جائیں گے۔
- Advertisement -
ڈائریکٹر ایئر ٹرانسپورٹ سول ایوی ایشن اتھارٹی نے خصوصی پرواز کا اجازت نامہ جاری کردیا۔
ذرائع کا کہنا ہے کہ پی آئی اے کی پرواز پی کے 9872 کل روانہ ہوگی جبکہ پاکستانی قیدیوں کو لیکر پرواز پی کے 9873 منگل کی شام ہی واپس پاکستان آجائے گی۔