مکہ مکرمہ: اماراتی خلاباز سلطان النیادی نے خلائی اسٹیشن سے حج کے دوران خلا سے مکہ مکرمہ کی لی گئی تصویر جاری کر دی۔
وقوف عرفہ کے موقع پر انٹرنیشنل اسپیس اسٹیشن میں موجود متحدہ عرب امارات کے خلا باز سلطان النیادی نے مکہ مکرمہ کی سحر کن تصویر کھینچی اور بعد ازاں اسے ٹوئٹر پر شیئر کر دیا۔
منگل کے روز میدان عرفات میں حج کا رکن اعظم وقوف عرفہ ادا کیا گیا، وقوف عرفہ کی ادائیگی کا سحر کن منظر خلا میں کیمرے کی آنکھ میں بند کر لیا گیا۔
https://twitter.com/Astro_Alneyadi/status/1673644038191194114?s=20
سلطان النیادی اس وقت بین الاقوامی اسپیس اسٹیشن میں ناسا کے 6 ماہ طویل مشن پر موجود ہیں اور وہیں سے وہ اپنے ٹوئٹر اکانٹ سے باقاعدہ اپ ڈیٹس شیئر کرتے رہتے ہیں۔
سعودیہ عرب سمیت دیگر خلیجی ریاستوں میں آج عیدالاضحیٰ منائی جارہی ہے
اس سے قبل رمضان کی27 ویں شب کے موقع پر سلطان النیادی نے اپنے آفیشل ٹوئٹر اکانٹ پر خلا سے مسجد الحرام اور مسجد نبویﷺ کے مناظر شیئر کیے تھے۔
