کراچی : سندھ حکومت نے ماہ ربیع الاول کے موقع پر 2 دن کے لیے موٹر سائیکل کی ڈبل سواری پر پابندی عائد کردی۔
تفصیلات کے مطابق حکومت سندھ نے ماہ ربیع الاول میں سندھ سمیت کراچی میں موٹر سائیکل کی ڈبل سواری پر پابندی عائد کرنے کا اعلان کردیا۔
محکمہ داخلہ سندھ نے ربیع الاول کی مناسبت سے پابندی کا نوٹیفکیشن جاری کیا، جس میں سندھ میں 11 اور 12 ربیع الاول کوموٹر سائیکل کی ڈبل سواری پر پابندی ہوگی۔
- Advertisement -
نوٹیفکیشن کا کہنا تھا کہ ضلع وسطی کراچی میں 12،11ربیع الاول کو اور ضلع شرقی میں 11،8اور 12 ربیع الاول کو ڈبل سواری پر پابندی ہوگی۔
اس کے علاوہ حیدرآباد اور دادو میں 12،11ربیع الاول ، گھوٹکی ، لاڑکانہ، قمبر شہدادکوٹ ، کشمور، جیکب آباد ،نوابشاہ میں 12 ربیع الاول کو موٹرسائیکل کی ڈبل سواری پر پابندی ہوگی۔
