بھارتی ایئرلائن کا پائلٹ پرواز روانگی سے قبل پراسرار طور پر ہلاک ہوگیا۔
بھارتی میڈیا رپورٹس کے مطابق انڈیگو کی ناگپور سے پونے جانے والی فلائٹ کا پائلٹ اس وقت بے ہوش ہو گیا جب وہ بورڈنگ گیٹ تک پہنچا ہی تھا۔ پائلٹ کو اسپتال لے جایا گیا جہاں ڈاکٹروں نے اسے مردہ قرار دے دیا۔
پائلٹ کے روسٹر کے مطابق اس نے آج ڈیوٹی پر آنے سے پہلے کئی سیکٹر آپریٹ کیے اور 27 گھنٹے آرام بھی کیا تھا۔
- Advertisement -
میڈیا رپورٹس کے مطابق ہلاک ہونے والے پائلٹ کا نام اور دیگر تفصیلات سامنے نہیں آسکی ہیں۔
انڈیگو انتظامیہ کا کہنا ہے کہ پائلٹ کے موت پر ہم افسردہ ہیں، ناگپور ہوائی اڈے پر ان کی طبیعت ناساز ہوئی جس کے بعد انہیں اسپتال منتقل کیا گیا جہاں ڈاکٹروں نے موت کی تصدیق کردی۔
ایئرلائن انتظامیہ نے پائلٹ کے اہلخانہ کے ساتھ دکھ اور ہمدردی کا اظہار کیا ہے۔