The news is by your side.

Advertisement

نلکوں سے آتے گلابی پانی نے شہریوں کو خوفزدہ کردیا

چین کے کچھ علاقوں میں لوگوں کے گھروں میں نلکوں سے رنگین پانی آنے لگا جس نے مقامی افراد کو خوفزدہ کردیا۔

شمالی چین کے علاقوں میں نلکوں سے گلابی رنگ کا پانی آنے لگا جس نے مقامی افراد کو پریشان کردیا، متعدد افراد نے اس پانی کی تصاویر و ویڈیوز سوشل میڈیا پر شیئر کیں۔

مقامی افراد کا کہنا ہے کہ یہ رنگین پانی دو دن تک ان کے گھر میں آتا رہا اور اس کے بعد خود ہی معمول پر آگیا۔

اس دوران حکام تفتیش کرتے رہے کہ پانی کا رنگ کیوں بدل گیا لیکن تاحال وہ اس کی وجہ تلاش نہیں کرسکے۔

پانی کی رنگت میں ایسی تبدیلی اس سے قبل سنہ 2017 میں بھی دیکھی گئی تھی، حکام کا کہنا ہے کہ پانی کا رنگ گلابی ہوجانے کی وجہ وہ کیمیکل ہے جو پانی کو ٹریٹ (صاف) کرنے کے لیے اس میں شامل کیا جاتا ہے۔

ان کا کہنا ہے کہ یہ کیمیکل بے ضرر ہے اور پینے کے لیے بالکل محفوظ ہے۔

Comments

یہ بھی پڑھیں