ٹینیسی: امریکا میں طیارہ کریش ہونے کی دل دہلا دینے والی ویڈیو سامنے آ گئی۔
امریکی ریاست ٹینیسی میں گزشتہ روز ایک چھوٹا طیارہ گر کر تباہ ہو گیا تھا، جس کے نتیجے میں 5 افراد ہلاک ہو گئے تھے، طیارہ کریش ہونے کی فوٹیج بھی سامنے آ گئی ہے۔
امریکی میڈیا کے مطابق سنگل انجن والا طیارہ اڑان بھرنے کے کچھ منٹوں بعد ہی گر کر تباہ ہو گیا تھا، طیارے میں پائلٹ سمیت پانچ افراد سوار تھے، جن میں سے کوئی بھی نہ بچ سکا۔
ویڈیو میں دیکھا جا سکتا ہے کہ طیارے میں گرنے کے بعد ایک دھماکے کے ساتھ زبردست آگ لگ گئی اور ملبہ ہائے وے تک پھیل گیا، بتایا جا رہا ہے کہ حادثے سے قبل ٹینیسی کے دارالحکومت نیش وِل کے ایئر پورٹ کنٹرول ٹاور کو پائلٹ کی طرف سے طیارے کے انجن میں خرابی اور ہنگامی لینڈنگ کا پیغام موصول ہوا تھا۔
NEW: Five dead after small plane crashed near a highway in Nashville in the US state of Tennessee, local police said pic.twitter.com/AHAXnuEdbI
— Truthseeker (@Xx17965797N) March 5, 2024
طیارے سے ملنے والی پائلٹ اور کنٹرول ٹاور کی گفتگو میں کنٹرول ٹاور نے پائلٹ سے ہنگامی لینڈنگ اور رن وے نظر آنے کے بارے میں سوال کیا تو پائلٹ نے جواب دیا کہ مجھے رن وے نظر آ رہا ہے، تاہم میں لینڈنگ نہیں کر سکوں گا، انجن فیل ہو چکا ہے، میں جارہا ہوں لیکن پتا نہیں کہاں۔
