اوہائیو : شوہر کے جھوٹ پر بیوی نے اس کا مہنگا ترین پلے اسٹشین فائیو سستے داموں بیچ دیا، جب اسے یہ معلوم ہوا کہ یہ ایک ہوا صاف کرنے والا آلہ نہیں بلکہ محض ایک گیم ہے۔
آج کے دور یہ کوئی راز نہیں ہے کہ پلے اسٹیشن فائیو کا ڈیزائن بالکل غیر روایتی ہے اور کچھ ایئر پیوریفائرس ( ہوا صاف کرنے والا آلہ) سے ملتا جلتا ہے جو آج مارکیٹ میں دستیاب ہیں۔
غیر ملکی خبر رساں ادارے کے مطابق تائیوان میں ایک شخص کو پلے اسٹشین فائیو سستے دام میں مل گیا لیکن اسے گھر لے جاکر کھیلنے کیلئے اس نے اپنی بیوی سے جھوٹ بولا کہ یہ گیم نہیں بلکہ ہوا کو صاف کرنے والا آلہ ہے۔
حقیقت آشکار ہونے پر اس کی بیوی نے اسے فروخت کرنے کیلئے آن لائن اشتہار دیا، پی ایس فائیو کو خریدنے والے جن وو نامی شخص نے اپنا تجربہ فیس بک پر دوستوں سے شیئر کیا اور کہا کہ یہ کنسول دوسرے گیمز کے مقابلے میں انتہائی کم قیمت پر فروخت ہورہا تھا اور یہ پوری دنیا میں نایاب شے ہے۔
میں یہ کنسول خریدنے کا خواہاں تھا اس لیے بیچنے والے سے ملاقات کا ارادہ کیا جب میں نے مطلوبہ نمبر پر کال کی تو فون پر ایک خاتون کی آواز سنی تو تعجب ہوا۔
جن وو نے لکھا کہ پی ایس فائیو فروخت کرنے والی خاتون کو اس قیمتی چیز کے بارے میں کوئی علم ہی نہیں تھا تاہم جب میں ان کے گھر گیا تو اس خاتون کے شوہر سے ملاقات ہوئی۔
جن وو نے مزید لکھا کہ میں نے اس خاتون کے شوہر کے چہرے پر افسردگی کے آثار دیکھے، میں نے دریافت کیا کہ آپ یہ کنسول کیوں فروخت کرنا چاہتے ہیں جس اس کا جواب تھا کہ ایسا میری بیوی چاہتی ہے۔ جن وو نے کہا کہ میں اس کی آنکھوں میں افسردگی دیکھ کر خاموش ہوگیا کیونکہ میں اس کا درد محسوس کرسکتا ہوں۔
