The news is by your side.

وزیراعظم نے آج پارلیمانی پارٹی سربراہان کا اجلاس طلب کرلیا

وزیراعظم شہباز شریف نے آج پارلیمانی پارٹی کے سربراہوں کا اجلاس طلب کرلیا ہے اہم فیصلوں سے متعلق اعتماد میں لیا جائے گا۔

اے آر وائی نیوز کے مطابق وزیراعظم شہباز شریف نے آج پارلیمانی پارٹی کے سربراہوں کا اجلاس طلب کرلیا ہے یہ اجلاس شام ساڑھے 6 بجے ہوگا جس میں پارلیمانی رہنماؤں کو اہم فیصلوں سے متعلق اعتماد میں لیا جائے گا۔

وزیراعظم ہاؤس میں حکومتی اتحادی رہنماؤں کے اعزاز میں عشائیہ بھی دیا جائے گا۔

واضح رہے کہ وزیراعظم نے ملک کی موجودہ سیاسی صورت حال پر وزرا کو اعتماد میں لینے کے لیے وفاقی کابینہ کا خصوصی اجلاس جمعرات کو طلب کر رکھا ہے۔

یہ بھی پڑھیں: اہم تعیناتی، جی ایچ کیو کی سمری میں شامل فوجی افسران اور ان کی اہلیت

ذرائع کا کہنا ہے کہ وفاقی کابینہ کا اجلاس کا ایک نکاتی ایجنڈا ہوگا اور یہ جمعرات کی صبح 9 بجے وزیراعظم ہاؤس میں ہوگا۔

Comments

یہ بھی پڑھیں