اسلام آبد : وزیراعظم ڈیلیوری یونٹ نے بہترین پرفارمنس دکھانے والی ٹاپ 10 وزارتوں سے متعلق رینکنگ جاری کر دی، وزارت ماحولیات 57 فیصد عوامی اطمینان جیت کر پہلے نمبرپر ہے۔
تفصیلات کے مطابق عوامی مسائل اور شکایات کے حل میں کونسی وزارت سب سے آگے ہیں؟ وزیراعظم ڈیلیوری یونٹ نے وفاقی وزارتوں کی رینکنگ جاری کر دی۔
جس کے مطابق وزارت ماحولیات 57 فیصد عوامی اطمینان جیت کر پہلے نمبرپر ہے ، معاون خصوصی ملک امین اسلم کی کوششوں کو عوامی سطح پر پذیرائی ملی۔
وزارت کامرس 53 فیصد کارکردگی کے ساتھ دوسرے نمبر پر ہے جبکہ وزارت پارلیمانی امور بہتر کارکردگی کے ساتھ ٹاپ 3 میں شامل ہیں، بابر اعوان نے تیسری مرتبہ وزارت کا حلف لےکر معاملات کوبہتر بنایا۔
اسدعمر کی وزارت منصوبہ بندی 51 فیصد ووٹس کےساتھ چوتھے نمبر پر جبکہ وزارت اطلاعات 50 فیصد ووٹوں کے ساتھ 5 ویں نمبر ، وزارت انسداد منشیات کا 50 فیصد ووٹ کے ساتھ چھٹے نمبر اور وزارت خارجہ 49 فیصد کارکردگی کے ساتھ 7 ویں نمبر پر ہیں۔
وزارت بین الصوبائی رابطہ49 فیصد کارکردگی کےساتھ 8 ویں نمبر پر ہے جبکہ وزارت اوورسیز عوامی اعتماد جیتنے میں کامیاب رہی اور ٹاپ 10 میں شامل ہیں، وزارت اوورسیز47 فیصد بہتر کارکردگی سے 9 ویں نمبر پر ہے۔
وزیراعظم ڈیلیوری یونٹ کے مطابق وزارت نجکاری 46 فیصد کارکردگی کے ساتھ آخری پوزیشن پر ہے۔
