اسلام آباد : وزیراعظم عمران خان نے جدید لڑاکا طیارے جے ٹین سی کی پاک فضائیہ میں شمولیت پر پوری قوم کو مبارک باد دیتے ہوئے کہا میلی آنکھ سے دیکھا تو بڑا نقصان اٹھانا پڑے گا۔
تفصیلات کے مطابق وزیراعظم عمران خان نے جے 10سی کی پاک فضائیہ میں شمولیت کی تقریب سے خطاب کرتے ہوئے کہا اپنی قوم کومبارکباد دیتاہوں ، جے10سی سے ہمارادفاعی نظام مزید مضبوط ہوگا۔
عمران خان نے جے10سی کی شمولیت میں تعاون پر چین سے اظہار تشکر کرتے ہوئے کہا جدید ٹیکنالوجی کی تعلیم کیلئے یونیورسٹی بنائی جارہی ہے۔
وزیراعظم کا کہنا تھا کہ پلوامہ کے بعد بالاکوٹ پر حملہ ہوا اس پر پاکستان کاردعمل دنیا نے دیکھ لیا، دنیا نے دیکھا کہ پاکستان اپنادفاع کرنا جاتاہے، کوئی بھی پاکستان کی طرف دیکھے گا تو اسے بہت بڑانقصان ہوگا۔
انھوں نے مزید کہا کہ ہمیں اپنی مسلح افواج پر فخر ہے، پاکستان مستحکم ہوتاجارہاہے، ملک کی سمت درست اور معیشت بہتر ہورہی ہے، کوئی پاکستان کی طرف میلی آنکھ سے نہیں دیکھ سکتا۔
عمران خان کا کہنا تھا کہ دنیا کو پیغام گیا ہے کہ پاکستان اپنی حفاظت کرناجانتاہے، جے10سیئ کا ڈس پلے دیکھ کر مزید اعتماد آگیا ہے، کوئی بھی ہم پر کسی قسم کا دباؤ نہیں ڈال سکتاہے۔
وزیراعظم نے کہا کہ آزاد ملک خود دار اس وقت رہ سکتا ہے جب وہ اپنی حفاظت کرسکے، اللہ کا کرم ہے کہ ہماری ریکارڈ ٹیکس کلیکشن ہوئی ہے، دہشتگردی کیخلاف جنگ میں پاکستان نے بےپناہ قربانیاں دیں۔
ان کا مزید کہنا تھا کہ ہماری پہلی ترجیح ملک سے غربت کا خاتمہ کرناہے، جیسے جیسے دولت بڑھتی جائے گی ہم اپنے دفاع کو مزید مضبوط کریں گے ، اصل طاقت یہی ہے کہ آپ کو جنگ نہ لڑنی پڑے کیونکہ دنیا کو پتہ ہو،ہم دفاع کرسکتے ہیں۔
عمران خان نے کہا قوم ساتھ کھڑی ہوتو مسلح افواج کا جذبہ مزید بڑھتا ہے،ہماری مسلح افواج اور قوم نے دہشتگردی کا بہادری سے مقابلہ کیا۔
