اسلام آباد: کراچی ٹیسٹ میں قومی ٹیم کے کپتان بابر اعظم کی دلیرانہ اننگز پر وزیراعظم نے مبارک باد دیتے ہوئے سیاسی صورت حال پر ‘دل کی بات’ کہہ ڈالی۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں وزیراعظم نے قومی ٹیم کے کپتان بابراعظم کو بہترین کھیل پیش کرنے پر مبارکباد دیتے ہوئے کہا کہ رضوان اور عبداللہ شفیق نے اچھی کارکردگی دکھائی۔
Congratulations to Babar Azam for leading the Pak team in a tremendous fightback with a superb captain's inning & world class batting display; & congratulations to the rest of the team too in the way they fought back, especially Rizwan & Shafique.
— Imran Khan (@ImranKhanPTI) March 17, 2022
اپنے ٹوئٹ میں وزیراعظم نے کہا کہ بہترین فائٹ بیک پر بابر اعظم کو مبارکباد دیتا ہوں ساتھ ہی قومی ٹیم کو بھی مبارکبادکی مستحق ہے جس نےشاندار کھیل پیش کیا۔
وزیراعظم عمران خان نے اپنی ٹوئٹ میں کہا کہ بدقسمتی سے یہ ٹیسٹ میچ نہیں دیکھ سکا کیونکہ میچ فکسنگ کیخلاف دوسرے محاذ پرجنگ لڑرہا ہوں، میرےکھلاڑیوں کولالچ دینےکےلیےبھاری رقم استعمال کی جا رہی ہے۔
Unfortunately I could not watch this match as I am fighting on another front against match fixing where huge amounts of money are being used to lure my players!
— Imran Khan (@ImranKhanPTI) March 17, 2022
واضح رہے کہ گذشتہ روز اپوزیشن کی جانب سے حکومتی ارکان کو سندھ ہاؤس میں چھپا کر رکھنے کا انکشاف ہوا تھا۔
گذشتہ روز جب وزیر اعظم نے سوات جلسے میں سندھ ہاؤس میں ضمیر فروشی کا ذکر کیا تو ان کا اشارہ بھی اسی طرف تھا۔
اپوزیشن نے جن ارکان کو چھپایا ، حکومت کو ان کے نام پتا چل گئے ہیں، مذکورہ ارکان میں 3 خواتین ایم این ایز بھی شامل ہیں، پیپلز پارٹی نے اسی سبب سے سندھ ہاؤس میں سندھ پولیس کی اضافی نفری بھی تعینات کر رکھی ہے۔
دوسری جانب حکومت نے ارکان کی رضا کارانہ واپسی کے لیے اپوزیشن سے بیک ڈور رابطے بھی کیے ہیں، ذرائع نے بتایا کہ حکومت نے اپوزیشن کو پیغام دیا کہ ان کے ارکان رضا کارانہ طور پر واپس کیے جائیں، اگر ارکان واپس نہ کیے گئے تو دن دہاڑے بازیاب کرائیں گے۔
